***** अभ्यास अभ्यास क्रमाचा - भाग 2 *****

विद्यापिठात शिकवला जाणार अभ्यासक्रम, स्वायत्त अभ्यासक्रम असणारी महाविद्यालये आणि सर्वसाधारण महाविद्यालये सगळीकडे शिकवल्या जाणाऱ्या अभ्यासक्रमाचे स्वरूप जवळपास एक सारखेच आहे.

विद्यापीठामध्ये शिकवला जाणारा अभ्यासक्रम हा संशोधनाला चालना देणारा , स्वायत्त महाविद्यालयातील अभ्यासक्रम हा उत्पादन विकसनासाठी मदत करणारा आणि सर्व साधारण महाविद्यालयात शिकवलं जाणारा अभ्यासक्रम हा 20 टक्के संशोधन,30 टक्के विकसन आणि 50 टक्के हा सेवा क्षेत्रांना धरून बनवायला हवा.

गेल्या वीस वर्षांत इलेक्ट्रॉनिक्स क्षेत्रात खूपच प्रगती झाली आहे त्या अनुषंगाने इलेक्ट्रॉनिक्स संबंधी वेगवेगळ्या शाखा निर्माण व्हायला पाहिजे होत्या. तशा काही शाखा आहेत पण त्यांनी त्याचं वेगळेपण जपले नाही आणि शेवटी सगळं एकमेकांत गुंतून कुठली शाखा कुठला उद्देश ठेऊन बनवली आहे ते समजायचं बंद झालं आहे आणि केवळ याच कारणामुळे कित्येक शाखा बंद करण्यात आल्या आहेत पण हे धोरण चुकले आहे. इलेक्ट्रॉनिक्स साठी अजून किमान दहा वेगवेगळ्या शाखा सुरू करण्यास संधी आहे .

एका विषयाचे दोन सेक्शन आणि एका सेक्शनमध्ये तीन युनिट हा जो पॅटर्न आहे तो अतिशय चुकीचा आहे. काही काही ठिकाणी या एका विषयात दोन दोन विषय मिसळले आहेत. यामुळे कुठल्याही विषयाचा अभ्यास परिपूर्ण होत नाही.हे असा अभ्यासक्रम असलेल्या ठिकाणी तो तयार करणाऱ्याच्या बुद्धीची दया येते.खरच त्याला त्याविषयाची खोली माहिती आहे की नाही याची शंका येते.
काही ठिकाणी तर एक विषयासाठी असणाऱ्या सहा युनिटचा सुध्दा एकमेकाशी संबंध नाही.

जवळपास बऱ्यापैकी प्रात्यक्षिके ही जुनाट पद्धतीची आहेत . आता प्रात्यक्षिक शिकवण्याच्या पद्धतीत मध्ये बदल केला पाहिजे. एखाद्या गोष्टीचे तत्व शिकल्यावर लगेच त्याच्या दैनंदिन जीवनात होणाऱ्या उपयोगाचा पण प्रात्यक्षिकात अंतर्भाव करण्याची गरज आहे.
सगळ्यात मोठीं मजा आहे ती ओरल आणि टर्म वर्क असणाऱ्या विषयाची . कुठल्या विषयाला ओरल आणि कुठल्या विषयाचे टर्म वर्क ठेवायचे याच भानच ठेवलेले नाही. अक्षरशः मनाला येईल तुला विषयाला ओरल आणि टर्म वर्कला टाकले आहे.

विद्यार्थी इंजिनिअरिंग केल्यानंतर जे बाहेर कोर्स करतात आणि नोकरी मिळवतात ते विषय अभ्यासक्रमात घ्यायला पाहिजे हे सोपं अभ्यासक्रम करताना लक्षात घ्यायला पाहिजे ते लक्षात घेतलेले नाही.हे विषयाचा अभ्यासक्रमात केवळ तोंड ओळख होण्यासाठी अंतर्भाव केलेला आहे.

आपले विचार जरूर मांडा.